Monday, April 30, 2007

重新出發

昨晚的班唱題會、今午的男學生部座談會及近日閱讀的《奮戰足跡》都使我重燃廣布的動力。必須為著自他幸福而好好人間革命。

Wednesday, August 16, 2006

港澳日研行2006

http://ydtc2006hkmo.blogspot.com/

很久沒有update 這裡了...但我不會停止HR 的

暫時與大家分享日研感想吧, 看看上面的blog 啦!

Sunday, May 21, 2006

喜遇你兩位

好開心連續兩日與你們「重遇」。

李天及文生

你們真係當初入學生部時,好好帶動我成長的兩位「前輩」。

難道這兩晚的重遇真的存在著甚麼意義?

可能又係再一次提醒我信心活動的契機。

anyway, 多謝你們的鼓勵...我估我要加把勁了

學生部, 本部, 體操隊...女友, 家人, 朋友, 工作..如何分配是好呢?
我需要更多的智慧~~

Sunday, May 07, 2006

信心不足...

有幸各諸天善神提醒我...有幸您, 有幸家人, 有幸5.3一班阿七兄弟
有幸李天在blog 的歌~~

明天要繼續努力!!!大興的5.3來臨中~~

Saturday, December 17, 2005

又來感動的一句

聽到她說:「唔理喇,唱題先啦!」

實在打從心底的開心,忍不住對她講我聽到你這樣十分高興。

Friday, December 16, 2005

感動的鼓勵

李天給了我一句很鼓勵的說話:

很感動的一句指導:「只要幹部對自己身負的職責心懷感謝和喜悅,組織就能有所發展。」

還以他的一生及人格向我保證:「努力唱題,一定會理想達到的!」
「努力搵工,祈求一份讓自己未來發揮使命的工作。」

真的很感激他多年來的鼓勵,還教懂我不少文字寫作、學會行事及提起我對話劇的興趣。

再次感受到在友好專題大會時引述黎明聖報的一句說話(楚華找到的):

「創價學會的組織,跨越了性別、職業、年齡的不同,會員不單止祈求自己的幸福,更把其他會員的困難視為自己的煩惱而祈求,互相鼓勵。學會是一個使大家發揮堅強生命力,互相啟發彼此善性的人本主義的組織。」

專題總結,未刪及未修訂版本

青年人信佛法好老土?

專題總結

黃: 植, 今晚個主題「青年人信佛法好老士?」你點睇呀?

植:我呀…未答你呢個問題之前,我想講d 有關我搵資料時o既經驗話你知。

黃: 好呀。

植:當我o係ms office word 搵美工圖案時,我打宗教兩個字,有關佛教的就只有大佛像、剃頭出家o既和尚、香爐等等。仲有,當我回顧番d 電視、電影片段,就好似大隻佬劉德華咁,雖然都突破性咁一改和尚清修o既形象,但都係離唔開遇到煩惱走入深山避世,參拜大佛等等情節仍然貫穿整套戲。

黃: 咁你係未覺得呢d 有關佛教o既片段老土呢?

植:: 又唔係o既,咩野係老土,咩野係新潮,唔同人有唔同睇法,而我想指出頭先我所講o既大佛像、出家和尚等等形象,都係社會定形左佛教就係咁ga 喇,咁o既形象好可能有礙大家去了解佛教真正o既一面,而抗拒去認識它,由其係年青人,好可能會咁講:「下,信佛,好老土姐?」咁o既情形。 係呢?楚華,你比我更早認識佛法,咁你又點睇佛法呢?

黃: 我呀?! 我覺得去判斷一個宗教o既價值並唔係用老唔老土,新唔新潮去衡量o既。我自細認識o既創價學會,日蓮大聖人o既佛法就教曉左我宗教係為左人o既幸福而有,當大家認真地透過宗教o既實踐而獲得個人幸福、以致身邊
O既人、世界所有人幸福o既時候,咁呢個宗教就一個好值得我地去認識,並且實踐當中o既法理o既宗教。

植: 宗教為著個人、他人o既幸福而有的,聽落去都幾有道理。咁作為創價學會o既會員係點樣去實踐佛法o既呢? 實踐起上o黎又會唔會令人覺得好老土呢?

王:又用老土? 哈哈,我就一d 都唔覺學會o既活動老土喇。其實我地以
信行學三方面o黎實踐佛法o既。

「信」就是以「御本尊」為根本,確信日蓮大聖人的佛法。
「行」 有「自行」與「化他」的兩種
「自行」是每天早晚的勤行唱題,湧現我們的智慧與生命力。
「化他」是實踐大聖人佛法,廣宣流佈開去。
「學」是學習日蓮大聖人的佛法。

簡單D講,好似大家返學上堂,如果唔相信老師所講的,同埋書本上既知識;咁又點樣可以考到好成績呢?咁就同信行學既『信』既道理一樣啦!我們要相信老師和書本上所學到的知識,然後作出思考,和其他同學一齊研究和溫習,集思廣益!這就是『行』啦!但只係靠相信,而當中並無去學習過,到考試的時候,又點會識答呢?咁大家又認為會唔會考到一個好成績呢?? 所以我們要不斷地學習,認真地學習書本上的知識!呢個就係『學』!!

如果無付出、無溫過書,淨係靠外間既補習班,就以為自己可以拎10A 既話,咁咪即係盲目(迷信)囉??? 依家社會乜都要理據,如果單靠盲目相信(迷信)而無理據既話,咁咪即係唔in ,唔update, out咁解囉!

植:我明喇。總言之我地要認真思考,並且去實踐佛法o黎獲得幸福,咁先唔out 嘛。係呢,頭先你話學會活動一d 都唔老土, 唔out,呢一點我相當認同喎,記得當初令我感動的活動就係2001 年o係會展舉行o既青年文化總會,當時自己面對好大困難,好鬼苦惱。但我睇完當晚各青年部各種o既表演如舞蹈、歌唱、樂器步操及體操隊後,我就感受到表演者o個種o既喜悅、心諗原來青年人係可以咁有生命力o既,o個一刻真係令我好感動。

王:我知道你因為睇完o個次總會,而加入左金鷹體操隊,繼而o係學會各部門積極活動。我想問下你,除左表演感動到你之外,當初點解你會選擇佛教、選擇創價學會呢?而佛法有咩優勝之處呢?

植:記番起我2001年入信,唔經唔覺都有4年喇。當初點解選擇佛教而唔係基督教、天主教之類,係因為覺得佛教o既因果法理較公平,自己為自己所做的事負責,並且覺得人人都可以成佛的思概念較聽取神的旨意、神的恩典的思想更容易接受及適合自己。最重要係睇到令我認識佛法、創價學會的朋友咁多年o黎確確實實咁實踐佛法,以佛法來克服佢面對的種種困難,就係因為佢o個一種永不崩潰的生命力吸引到我去認識佛法,繼而實踐佛法。

王:係呀,你頭先所講o既就係佛教o既永遠生命觀、因果法則同埋人間革命o既精神。簡單o黎講,佛法以前世、今生同埋來世的永遠生命觀去分析每個人的生命都背負著唔同o既宿命,亦即係話你前世做左d 咩,種下d 咩o既因,今世會受番d 咩野o既果。呢一點解釋點解一d 人一出世就好窮、又者四肢不健全;又或者無父無母,有d 人一出世就享盡榮華富貴,一生無憂無慮咁。
我地並非強調後死後方可進入極樂世界,先至可以得到幸福,而係強調今世,又或者更準確d ,強調呢一刻o既一念及行動來獲得真正o既幸福,重點係要每人自覺自己都有佛o既生命,即係最寶貴、能夠化不可能為可能的生命力。而日蓮大聖人早o係幾百年前就為末法眾生介紹左一個好簡單而又直接o既方法去獲得幸福。

植: 我知。未就係你頭先所講o既信行學中o既行,當中o既唱題及勤行喇。其實當初我都好唔明白唱題唸經就可以去除苦惱,逃出困境。但後尾真正打動我的係池田大作先生的書裡所每一句o既鼓勵說話,佢o既真誠,佢為世界和平o個種偉大行動,令我相信題目o既力量係可以通達到我當時面對重病o既父親,亦都可以使我o既煩惱一一都變成我成長o既養料。

黃:植,我亦都知道爸爸雖然最後都過左身,離開你,但你反而積極學會活動,更加確信妙法的力量?點解呢?

植:因為佛法令我真正咁明白生命,周而復始,循環不息,好似波浪咁有起有伏。最重要o既係要珍惜生命,珍惜生存o既每一刻,唔好輕言放棄。我覺得爸爸o既離開,代表住佢完成左令我入信,實踐佛法o既使命。當時學會仲教識我一家和樂o既信心,令我同媽媽、家姐一齊渡過難關,互相扶持,仲有就係當時會友間的關懷,令我好快咁懂得面對失去爸爸o既悲痛。當日曾經許下諾言,我絕對唔可以辜負曾經照顧我,培育我的學會負責人,所以我開始積極學會活動,無論o係學生部、體操隊,男子部等o既地方參與種種唔同o既活動,令我不斷咁成長起o黎。令我明白到唱題係為左湧現我地本身有o既佛o既生命力,利用智慧同信心去克服種種o既難關,幸福並唔係單單你目前擁有幾多,而係即使你失去好多好多時,面對種種困難,仍然相信題目o既力量、自身o既生命力去挑戰,o既精神,擁有呢一種永不崩潰o既生命境涯,先叫做絕對o既幸福。

黃:其實宗教o既存在正正係為左人類o既幸福,你o既體驗帶出左佛法偉大之處,佛法令每一個人都有獲得幸福的希望,當中o既關鍵係要每一人都要自覺廣宣流布的使命,佛法教導唔係只係自己獲得幸福就夠喇,而係要透過自身的體驗去話俾其他人聽,你都可以實踐佛法去打破宿命,獲得幸福。我地以尊重每一生命的,視每一生命都為世上最寶貴的去看待,以呢一種慈悲心去改變現世o既唔穩定。所以國際創價學會強調以佛法人本主義o既精神,去推動和平、文化及教育種種o既活動。目的只係為左消除世上種種o既不幸。

植:就係呢一種為他人拔苦樂的精神吸引左我參加創價學會,世界和平再唔只係生日願望,而係我可以透過佛法實踐而達到o既目標。其實從呢個眼光去看,別人覺唔覺得老土已經唔重要,最重要佛法真係世間o既良藥,係你同我都可以實踐到o既法理。更可況學會o既活動真係絕對唔老土,我地真係唔駛怕其他人話我地信佛老土。

黃:相反,仲可以趁此機會,向佢介紹佛法點樣令人獲得幸福,參加學會活動係幾咁開心咁。

植:大家聽我地講咁耐?仲覺唔覺得佛法係老土呢?其實我地好想透過今晚o既專題,令到大家有一個思考o既機會,認真思索下宗教,了解下佛法點樣帶俾人幸福。再唔好因為外間形象影響,而覺得宗教、以因為佛法老土而放棄去認識o既機會。

回顧這段失業的日子(四)--阿七青年部大會

家訪了三位男子部,這次陪伴我的是折服我的婦人部。

有了她,整個家訪氣氛都十分明快、有感動及有說服力的。

我都在旁加插了我自己入信的經歷,希望他們重視及珍惜與家人的關係,並帶出唱題祈求的重要性。

家訪後,很快便到阿七青年部友好大會。

之前應承負責專題,但好幾次會都沒有出席。
最後星期四晚的綵排,我終於可以抽空出席,但原來還在商議專題的內容。

俊君交托我當晚負責代替他總結的部份,最後決定我與楚華以對答的形式進行。

時間相當緊迫,只餘下星期五,我便要完成講稿。
我在下午參照俊君及阿莫修訂的資料,開始撰寫一份有對答的總結講稿。

完成部份後又要趕往家訪一位男子部。之後還約了預科好友食宵夜,吹水,傾到4點幾才回到家。

以一定要完成的決心,趕好篇專題稿件,5點幾send了出去再睡,但約好了楚華9點幾電話對稿。

很欣賞她的熱誠及決斷,原來她一早已試讀了這篇講稿,我們再一次對稿後,增多删減了不少。

直到大會當晚前的綵排後,我們繼續果斷地修訂了不少內容,為了減少悶場,刪去了約四分之一。

最後,我們能夠順利完成,亦得到不少不俗的回響。
真的要感激女子部,令我得到不少寶貴的經驗。

青年大會有過百人出席,會後與啟賢傾,大家都贊同這次總會後,阿七青年部在下年定會有不俗的發展。
而我再次立下決意,定必要為景峰地區培育人材,提攜班長。

我亦相信阿七青年部人材濟濟,定必有作為,絕不會遜色於其他本部。

回顧這段失業的日子(三)--香港總會及體操隊大會堂表演

第一次參加香港總會,亦是第一次總會後衝衝趕到大會堂表演。

11月26日星期六,完成學總後,有慶功宴,回家後還要在icq與人檢討搞到再2點幾3點才睡。

慶好,總會在1點半才開始,我還可以睡到上午11點才起床。

試衫後(絲路流金的貼身戰衣),立即趕到常樂參加我成為group 級後的第一次香港總會。

今年的體驗是阿聰爸爸的人生奮鬥史。

最能觸動我的部份是宣布下年活動方針〈青年‧發展年〉及男女子部長一一發表活動報告及來年方向後,回想過去入信的經驗,會友、各負責人的照顧及鼓勵等等,每一幕都在眼前,打動著我的心靈,心中不斷提醒自己不能辜負他們的期望,下年一定要令自己負責的學生部及景峰地區男子部有所躍進,當然我亦十分希望能夠折服身邊重要的親人、朋友,希望妙法能為他們帶來希望。

總會後,體操隊趕快地進行了兩次排練便坐車到大會堂。

本來安排在旅遊巴上等候表演,但旅遊巴不能安排在附近停泊,我們只好冒著大寒風在大會堂側門有蓋出口處,等待;食飯盒及做熱身。心情很沉重,腦不停地轉,只好不斷唱題,祈求成功。

表演開始,今晚有我的表哥亦是兆基的好友到場支持。

我仍時緊張、沉重,但在隊友的提點下,總算可以順利完成頭幾項動作。

但到了做橋時,我負責橋心的部份,要幫手穿吊帶連繫橋心及橋躉的頂(阿業)。
估不到我怎樣也不能穿到,雞聲一響,起!下!我心想:「起?未免太危險」
在責怪與很想放棄之際,對面的肥賢提醒我幫手頂住橋心,而阿業都好快用他的金剛臂捉住橋心的腳,懸空地用吊帶穿番好隻腳,總算無事。

事後相當不高興,很難投入在大團圓各位的喜悅。

第二日,我電給馬仔、阿業及金雄都打來,與我相商討番當晚表演的事。
其實大家盡了力,如金雄講,這次表演只是一個緣,讓我們重新出發,為下次的男子部總會表演再下苦功。

我想通了,要男總表演成功,就要有人去捧場。所以我決定開展我的家訪活動,去派男總入場劵,鼓勵他們出席。

部份隊員的檢討

部份選舉片段



主持人:「好歡迎大家嚟到池田紀念會堂,參與我地學生部首次嘅學生部選 舉。
剛才大家都睇過三位候人嘅宣傳片段,同埋入場時都收到佢地嘅政綱,應該大致上 對佢地都有基本印象。接著落嚟,三位候選人會喺今晚嘅選舉裏面發表一下佢哋嘅參選理念。
各位現場人仕,可以憑著三候選人嘅政綱、宣傳片段同埋個人發表上 嘅表現,揀出一位你地認為最佳嘅候選人,帶領學生部嘅think center 為學生部, 以致整個學會獻計。」

主持人:「事不宜遲,2005年廣布份子選舉現在開始。

就剛才嘅片段嚟睇, 各位候選人都對香港廣布未來發展有著唔同嘅抱負, 之但係單憑幾句口號係好難令到各位現塲人仕去認定你哋邊一位係最適合擔任think centre嘅委員長嘅。 以下落嚟嘅時間就不如請幾位講述一下你哋嘅理念啦. 首先有請一號候選人李廣布發表. 」

李: 「正如我嘅政綱上所強調,我哋應該為學會對外活動定立長遠嘅方向,要有目標地加強學會與社區嘅聯繫。 以往, 學會喺文化交流上嘅努力, 相信大家都有目共賭. 唔少知名人仕, 好似金庸先生, 李樂詩博士, 方召麟女仕等等, 對我哋組織都非常熟識. 但係除此之外, 我認為我哋現時喺社區方面嘅交流係未足夠嘅, 絶對需要進行實際嘅交流. 打個比喻呀, 有一日我搭的士到會館, 同的士司機講目的地嘅時候, 佢嘅回答係 “創價學會” ? 係咪即係日蓮正宗呀? 唔係己經搬咗去彌敦道啦咩? 由此可以睇到, 一般大眾對學會嘅認識真係好有限. 喺嗰一刻我就決意要進行社區嘅交流. 我認為一但外界加深咗對學會嘅認識、認同之後,青年部自自然然會對學會增加歸屬感,咁就可以鼓勵更多嘅青年部投入學會活動。 而落實呢個理念, 我哋應該由住喺會館附近嘅居民開始著手, 令佢哋認識學會,明白創價學會係乜嘢嘅組織. 我哋需要定期搞會館開放日, 鼓勵青年部去參與製作展板, 介紹學會嘅理念。 透過呢類型嘅活動, 既可以加深學會對外嘅聯繫,亦可以加強青年部對學會、對社區的認識。就好似馬來西亞會館咁, 將會館開設成社區會堂, 等居住喺周圍嘅市民都可以有一個方便嘅途徑去認識學會. 我認為我哋香港創價學會亦都需要多參考其他國家學會嘅成功之處, 從而改進我哋同社區嘅交流. 要發展未來香港廣布大道, 社區聯繫嘅方針落實係刻不容緩嘅, 請大家支持我一號李廣布!」

主持人: 「唔該晒一號候選人李廣布先生. 接住落嚟請二號候選人冮科技小姐發表一下」

江: 「我都好同意一號話加強與社區聯繫,來鼓勵更多青年部參與活動。其實點樣去包裝同宣傳我哋佛法咁好嘅概念都好重要. 我想請問在座各位有無人係無上過網架? 最多上嘅係乜嘢網站呢? (停一停) 會唔會係SGI網站呢? 大家有需要嘅時候有無上SGI網站上搵敎學資料呢? 隨著時代進步, 多媒體嘅製造漸趨普及,如果要吸引更多年青人去參加學會活動, 認識佛法,多媒體嘅使用係少不免。舉例網頁嘅製作,我地可以集合各本部青年部嘅力量, 統合各科技人材去構思、製作及不斷嘅更新網上資訊, 網上電台, 短片等等, 令更多人(包括未能抽取時間開會的會友)從網上嘅世界都可以接觸到學會資訊、學習到佛法。 更可以向非會友宣傳學會嘅正面訊息, 而唔係落後於其他不利傳言嘅傳播. 還有多媒體製造如mtv 、宣傳短片同樣可以有效地為每一次的學會活動增添色彩。」

主持人: 「聽咗兩位候選人嘅理念之後, 相信大家而家都係考慮緊邊位候選人比較合適, 不過以下落嚟我哋仲有一位候選人準備要發表佢嘅理念, 請大家留心聆聽, 然後作出你明智嘅選擇. 有請三號候選人-張史命小姐」

張: 「雖然我都好同意兩位嘅睇法,令學會活動多元化係真係可以好好 咁使青年躍動起來。但係我認為青年人要好好參與學會活動,首先要由學會嘅體制改進做起。我認為現時普通會員對學會整體運營、體制嘅認識都唔係好足夠,以致佢地未能真正地認識學會嘅運作。例如增加學會的透明度, 曾有會員問及有關營運資金來源, 其實資金主要來自會友供養, 學會亦是一個非謀利團體, 若能使會員了解更多, 便能減少別人誤會學會為一個有錢, 甚至一間『金融公司』的看法. 另外, 要令活動多元化, 改革開會傳統型式亦是當前的課題, 例如我們可參考其他團體的活動方式, 他們就社會的問題, 對需要支援的人仕組織『助人自助』小組, 例如, 結集失業求職中的會員組織唱題小組. (停頓)改革開會傳統型式是刻不容緩的問題, 否則, 廣布大願難以實現. (語氣要重及肯定)」


最後張使命以50票大比數勝出,並讀出這理念:

理念:「基於佛法的共生理念,我與他,他包括身邊的人、世界各地的人以至周圍的環境、大自然的關係都係息息相關的。今日,我同其餘搞呢次選舉,目的唔係為左個人o既榮譽,而係藉著改革學會(一個宗教組織)開始,希望為社會帶來幸福的思想。 過程雖然係困難,由初初無人參加,最後都係得我地三個人參加,但我地都堅持搞下去,透過同各方面不斷對話、溝通,使雙方都能互相理解對方立場,一切o既行動都係建基於建設社會幸福未來。今日,我地只係成功左一部份,未來o既部份,要靠在坐各位一直承傳下去。」


Thursday, December 15, 2005

回顧這段失業的日子(二)--學生部總會2005


今年學生部總會的日子比前幾屆為遲,通常都是約9月尾、十月中舉行的,但今年竟然推遲到11月尾,只是在香港總會的僅僅前一日。

雖然在八月學生部研修後,我們整整有3個月的時間準備,比起以前要雙綫同時籌備來得輕鬆。
但我們並沒有吸收在學研最後關頭才能完成所有事情的教訓,學總依然照舊「不到最後,不出貨」。

今年的學總有相當突破性的學生部提言發表,早在中秋前已經籌備,阿傑亦為我上了一堂寶貴的一課:「以佛法的假中空看社會」,但最後在沒有認頭之下,分別由我負責wto、阿傑負責中日關係及阿甜負責對內改革的提議。

另一方面,鳳欣及我一直為學總的表演環節而相當煩惱,當然她比我更著急,因為開了幾次會都還未決定表演的主要內容,直到11月初才拍板以話劇的形式舉辦「第一屆廣布份子選舉」,三位候選人的政綱是針對學會的運營模式而作出建議的。

還有就桂燕負責整理在學研時有關香港廣布前輩採訪片段整理工作。

其實根據以往的經驗,學總通常是分三個部門去推行的:
1)總務--負責製作紀念品、邀請咭、會場佈置等。
2)表演--負責當晚的主要表演:如唱歌、話劇及樂器演奏。
3)學聲--另一team 人製作學生部的刊物。

今年雖然都有以上三項部門的工作,但今年好像特別欠缺很重要的統籌工作,中間並沒有聯繫,很多人都不知應做甚麼、可以幫到甚麼似的。11月初前,大家彼此聯絡、了解進度的工作近乎零,好幾次都是開完會就沒有相對跟進的工作,所以籌備進度相當慢。

我在11 月大部分時間都花在寫表演劇本的故事大綱、候選人政綱等等,卻脫了學聲兩份主要的稿件,真是難為追稿的志祥及珮詩。

由寫故事、召集演員、製作簡單的道具、綵排及拍宣傳片都只是短短幾星期的事情。全憑鳳欣一手推動,我只是在她叫苦連天時找了重要的人幫忙。真的要好好感激四位演員:文先生、嘉文、筱萍、第一次參與學生部演出的佩雯,當然還有在百忙中抽空幫手製作宣傳片的李天及阿man。
全憑大家一call即到的使命感,學總才有這破天荒的「選舉」。

由於我最後未能完成學聲兩份重要的訪問稿及提言有關wto部份的文章,在心中極度歉疚之下,在學總當日下午3點到場打點一切。

在事前沒有特別安排及聯絡下,在場只有為學聲排版、釘裝的幾位負責人,還有可兒及阿甜。

我能夠幫到手的只是會場報置(主要是set 接待counter及收椅排好觀眾席)、叫飯落order、及安排台上的人手。

司儀及幾位負責的人很遲才到場,最後綵排亦是第一次的綵排亦只能在正式開始前的半小時,在甜兄吹促下草草走了台位。

幸運地,學總總算順利進行,雖談不上大成功,但都叫做過到骨。

當然還有一大堆值得檢討的事項。

好幾位畢業了,無論畢業及新任命的人好幾位都令我十分驚喜,亦為此任命制度與世芳在早一晚傾談了很久。

總括而言,今次學總後,我有一種前所未有,要搞好學生部的使命感,有危才有機,在一大班有心有力的學生部部員支持下,我仍相當有信心學生部在來年必定可以「重生reborn」,相信亦可以在發表第一次學生部提言下,學生部將能夠成為學會先驅,關鍵在於引發各人的使命感。

(待續)

回顧這段失業的日子(一)

10月29日第一次做伴郎,之後同朋友睇波睇到通宵達旦,欣賞了巴塞超強的攻力,捱著眼瞓去練習,勁!

10月31日,今日很早放了工,原因是老板娘引述了老板的對我觀察,認為我不適合做這一份醫療用品sales,其實我慶他/她為我做了這決定,結束我第一份工作,尋找新的方向。

11月1日開始了我的第一次失業生涯。6月左右考完試,找工作,7月4日正式上班,10月31日結束。短短的幾個月,估不到有此變化,其實這是我重新認識自己的一個過程。

手頭上有好幾份學會活動的工作,包括學聲兩份稿、學生部表演劇本、12月頭阿七青年大會專題、12月中青年佛學講座講稿、還有體操隊為準備表演的練習。

11月頭直至11月尾的學總、體操隊表演前,正正又在重複著我這廿年的寫照─「逃避困難」。

(待續)

重新出發

失業個幾月,感受良多,自我認識亦不少。
最重要是我重新感受到佛法的偉大及使命的重要性,
下一年,〈青年‧躍進年〉很喜歡李天用的司機與乘客的比喻,亦相當認我們要更主動創造未來的方向。

我決定將《大頭聯想》改為《大頭HR》,
從此這BLOG 只會紀錄我在廣布上的奮鬥史及有關我對佛法的看法。

而有關私人事件則放在MSN 上。

重新出發:下年的抱負將於發展學生部及地區上!!努力!加油!俾心機!
相信日本研修離我不遠矣。(發夢中,HAHA!!)

Monday, September 05, 2005

學生部家訪日

因為受文先生影響,我今日邀請阿傑,一口氣家訪了四位學生部部員。
目的只為一個,就是要培養後繼者,使學生部、學會有更大的成長。

其實在幾個家訪中,我大多是坐在旁邊學習的。

Saturday, September 03, 2005

解放兒童


大家有否回想過12歲時正在做甚麼?

一名12歲的加拿大的少年,在報紙看到巴基斯坦有另一名搞反對童工運動的十二歲的少年被暗殺的新聞。這名加拿大少年繼而聯同身邊的同學,發起關心世界各地童工的運動,並成立freethechildren 這組織,成立五個月後,他隻身乘飛機到孟加拉與一位廿四歲的大學研究生一起,在南亞幾個國家走訪童工的真實情況,並拍下錄影帶、寫下日記,最後緝成一書:《解放兒童》。

發展9年,freethechildren 已成為一個甚具規模的組織:
http://www.freethechildren.org/
http://www.freethechildren.com/chinese/index.html (中文網址)

為何我會得知這組織,因為我明天將會參加一個讀書會討論這一本書籍。
http://hksgi.org/sokaboard/viewtopic.php?t=330

Sunday, July 17, 2005

金鷹體操隊又闖過一關了(結成24周年)

2005年7月17日

4年前我第一次踏上文化會館的池田紀念講堂台舞台上,為金鷹體操隊20周年結成紀念作出表演。
當時媽媽(新朋友)在台下支持我,今日雖然她因為工作未能到場,但我的眾多好友(十位新朋友)在台下為我吶喊,真的很感動!(繼學生部總會,最多新朋友到場的一次)

期望25周年結成我再次有更多的朋友(其實還有些好友沒有邀請或因事未能到場)到場看一看使我成長的團隊--金鷹體操隊的英姿,我相信明年一定會有更多的觀眾,迫爆場的場面定必再現。

今天,大家成功了!!多謝眾位勞苦功工的負責人,包括鍾隊長、幾位副隊及台上台下的工作人員,最重要的當然是88位的表演者,沒有你們的血汗,今天就不能有這麼精彩的表演!

YOUNG POST ABOUT 2001 Performance Posted by Picasa

文章回顧(二):絲路流金感想

以巴治奧四年來的十二碼經驗,來對照我們今次的表演,我都十分有同感。

射失,站起來,再次奮鬥起來;再射,獲得最後勝利!
倒下,爬起來,站起來,完成;流淚,決意再起,一二三,最後無事故,大成功,大勝利!!

「我冇輸!!」sensei 講過堅持到最後的,才是真正的勝利者,就如跑馬拉松一樣,暫時落後並不要緊,最重要係戰勝心魔,不放棄! 一齊取決於一念心!!

之前,我的留言曾經講過,起完五層塔感受不太大,沒有像其他隊友般感動到流淚。不過兩晚的表演,真的落淚了,我並不完全同意隊長講弱者才流淚,但我同意只懂得流淚不能解決問題,堅強的人, 必須學懂抹乾眼淚,重拾信心,克服難關。

第一晚眼紅及眼濕濕是因為聽到隊長講:我地係代表池田大作而表演的,一想到池田先生對我們的慈愛,包容,心中便立下不能辜負他的誓願,以報答sensei 把佛法帶至香港,帶到全世界。

第二晚的落淚是,大軍起完牌坊後,回到化妝間,嘉華一句,你地有無盡過最大的努力?有付出三陪努力便可站出來,講聲,「我無輸!」我一聽到此番說話,淚水便如泉水般湧出來。我在問自己,為何發生在我身上,我當時想:我要為此次失敗負很大的責任。
因為我負責推最頂的兄弟上去,但我卻沒有跟足節拍,本來一二三才一齊用力推上去,誰不知,我不知怎的,數一二便伸直手,用力推了...於是我推的左手邊無力上....失敗了!失敗在我手中,我如何向眾位交代呢?!


回後台時,看到身旁的隊友落淚的落淚、失望的失望、沮喪的沮喪,即使多位小朋友為我們鼓掌,我們都只能保持著沈默。我腦中仍是空白一片,只懂得問:點解?點解?

直至聽到大家一起唸著開目抄,

我並我弟子,雖有諸難,如無疑心,則自然至彿界,
無須疑惑天不加護,無須嘆息現世不安穩,
我雖朝夕教導我弟子,然愚鈍者之常態,
起疑而皆捨之,將約好之事,於真實之時忘記者也。

我心目再次唱起題來,一齊都交給題目,希望透題目的力量再次顯現己身的佛界,再把眾兄弟的心連起來,我並開始相信我地真係無輸到,因為當時我們眾人再次站起來,嘉華的一句:「我地有可能的情況下,在謝幕時,再次起多次牌坊,你地有無信心?」,眾兄弟大聲的回應嘉華,我憧憬我們將會再起一個無堅不摧的牌坊,所以我一定要忘記剛發生的失誤,心想既然各兄弟信賴著我,我也同時信賴著各兄弟,我絕不能輸的,絕不能就此放棄,於是忘記一切,抹掉眼淚,一直唱題至再踏上舞台。

上台了,其他表演者也為我們歡呼、鼓掌,給我們最大的支持!
一句「準備好未?!」「ush!!」「一!二!三!」

真的再次站起來,完美的站起來,完成了!!掌聲振遍全場,一下雞聲,你訓下來,我緊緊的接著你,最頂的兄弟,我真的要多謝你!!

無明的歡喜,每人也流露著燦爛的笑容,歡呼的聲音不絕於耳,我們真的成功了!無限的喜悅感,使我相信我們三個月的付出汗水是沒有白流的,題目也沒有白唱的,諸天真的不會離棄我們的。

多謝,衷心的多謝每一位,我會繼續努力以報答各位。

p.s. 吳家榮,我真係俾你嚇親,不過睇到你真的成長了,我真係好開心好開心,你搞到我不得不再在第七本部搵男子部參加體操隊

文章回顧(一):初次加入金鷹體操隊的感想

初次加入金鷹體操隊的感想

2001年7月8 日,我會記得這一日,即使忘記了日子也不會忘記那種感覺。

我是最近才加入體操隊,加入的原因隨了是己入隊多年的馬健弘影響外,還有我希望透過參與學會活動,多認識學會,最重要是磨練自己的信心。

2001年初,我開始真正認識創價學會,雖然之前已透過好友及其家人認識學會,但這都不是自發的,只是聽取他們的講解及介紹,對於何謂信心還是感受不深。
直至我爸爸癌症番發,情況嚴重,我才認真地了解學會及其所對人生的態度,希望藉以幫助我及家人度過這次難關。為了加深對學會的認識我在學校圖書館借了好幾本池田大作先生的著作,包括新人間革命、我的釋尊觀及青春對話等。
從這幾本書中我認識了生命是如此偉大、寶貴的東西,我也體會到學會是一個非常重視和平的組織,如此反對戰爭及重視和平的組織,我暫時未曾另一宗教組織可以代替它。

《青春對話》是我唯一一本看完再看及對我影響最深的一本書,這本內容廣泛,給與我很多人生的指導,而我特別留意 “題目”,因為這正是我最希望知道的,但願池田先生指導能解決我心中的疑惑。 書中有一句使我最深刻“題目的力量既能拯救已過世的父母,更何況健在的雙親;題目一定能使父母幸福的。” 就憑這句話,我決定努力唱題,希望盡量減輕爸爸及家人的痛苦。聽起來好像十分迷信,但正因為我相信池田先生及我再沒其他方法了,姑且一試,不成功再尋找其他方法。 每當看到爸爸病發受苦時,我都會走入房間,認真唱題。我不寄望題目能立該去除爸爸的痛苦,只希望題目能給與他信心,堅持到底,戰勝病魔。因我相信“佛法是道理,不是「魔術的信仰」”我們不能只靠題目而不勇敢去面對困難。幸運地,經過幾個月的唱題,爸爸的病情及其心態都好轉了,由完全不能外出半步,變成每天堅持上茶樓;由自怨多一天生存就是多一天的痛苦的想法,變成每一天盡力做自己喜歡做的事的心態。現在我真正感受到題目的力量,記得有一次在勤行會時,心中突然想到能與爸爸共遊長城時,心中產生一種無限的喜悅,並由這次起以此作祈求,我有信心終有一天能與爸爸開心地共遊長城。

我覺得能夠加入體操隊是我的福運,也可算是題目給與我的。自從欣賞了在年初舉辦的新世紀香港青年文化總會之後,我就有了加入文化部的衝動,因為那次晚會我深深感受了表演者的生命力及他們那份對自己使命的熱誠,真是感動了我,那一刻真是盼望成為他們的一分子,分享他們那份使人感到希望的喜悅,我相信台下每一位在場觀眾都有同一想法“這班青年人真是二十一世紀的希望”。

大約在四月中,我知道文化部招收會員,於是便向好友查詢我能否加入體操隊,經過他的介紹後,五月初我便進行我第一次的練習。最初我的信心不大,恐怕不能應付體能的訓練,但最後還是“捱”過了我的第一次。其實都不算是捱的,他們的訓練比我想像中來得輕鬆,只是初次練習有些不習慣。體操隊給我的印象是很特別的,各隊員都有各自不同的特色,每一張新面孔對我來說都是十分新鮮的。可能我是剛入隊有的,並未有熟識的朋友,很多時只站在一旁,觀察其他隊友,有的整天都是笑容滿面,話總是說不完似的;有的只是靜靜坐在一旁,像是思考甚似的;有的則每分每秒都像爭取睡眠時間,我估計他們一定是工作至深夜。
幸運地,我剛巧是二十周年結成紀念日前的數月前入隊,能夠參與一個有意義並且挑戰性極高的表演─五層塔﹝又名師弟塔﹞。聽隊中的前輩說,這座五層塔從前未曾成功過的,十多年前曾經嘗試過,但失敗了,還有多位隊員受傷。 因此“無事故,大成功”便成了今次表演的目標,大家再不希望有隊員受傷,使他們的父母擔心,還有要取得空前的成功,完成老一輩體操隊隧員未完的心願。

經過個多月的練習,出席的人數並理想,沒有足夠的人數去練習整座五層塔,但憑著各組負責人的努力,在7月8 日出席的過百人,這是我第一次看到陣容如此強大的金鷹體操隊,那一刻我開始感受到大家離成功的日子不遠了。

Tuesday, July 12, 2005

新的開始

7月4日是我畢業後正式進入社會大學的日子。第一份工是medical sales,今個星期開始出街到醫院推銷醫療用品。

7月17日體操隊24周年結成,被委任做十如是後,承擔的不多,現在只好叫多些朋友到場支持我,做多一些廣宣流布。

8月中是學生部研修,亦是新一期學聲的出版日,但..我...仍是....